Àlàyé Bitkoini bí ọmọ ọdún márùń

Láti ọwọ́ Nik Custodio 2013/12/12open in new window

Tí ohun tí Bitkoini jẹ́ kò bá tí yé ẹ…

Ka wò wípé, a jọ jóko sí ibi ìgbafẹ́.

Mo mún èso ápù kan dání. Mo wá fún ẹ ní èso náà.

Níbáyìí ìwọ ti ní èso ápù kan, èmi sì ní òdo.

Ṣèbí, óyé ẹ?

Jẹ́ kí a farabalẹ́ wo ohun tí ó ṣẹlẹ̀:

A ò nílò ẹnì kẹta láti mu fún ara wa.

A ò nílò láti pe Uncle Tommy (tí ó jẹ́ olókìkí adájọ́) láti jóko tí wa kí ó lè ri dájú pé èso ápù náà wá láti ọwọ́ mi sí tì ẹ.

Tì é ni èso ápù náà! Mi ò lè fún ẹ ni èso ápù míràn mọ́ torí mi ò ni ìmíì mọ́. Kò sí ní ìkáyọ́ mi mọ́. Èso ápù náà ti kúrò lọ́wọ́ mi pátápátá. Níbáyìí o ti ní gbogbo àṣẹ lórí èso ápù náà. Tí o bá fẹ́ o lè fún ọ̀rẹ́ rẹ, bẹ́ẹ̀ni ọ̀rẹ́ rẹ lè fún ọ̀rẹ́ ti rẹ náà pèlú. Àti bẹ́ẹ̀bẹ́ẹ̀lọ.

Nítorí bẹ̀ bi pàṣípàrọ̀ ojú kojú ṣe rí nì yẹn. Mo rò ó wípé bá kan náà lórí, bóyá ògẹ̀dẹ̀ ni mò ń fún ẹ ni, ìwé ni, bóyá ìdá mẹ́rin tàbí odindin owó dollar kan…

Ṣùgbọ́n ó dà bi wípé mo tín kánjú.

Ká padà sí orí ọ̀rò èso ápù!

Níbáyìí ká ní pé, mo ní èso ápù ti orí ẹ̀rọ kòmpútà. Mo ma fún ẹ ní èso ápù ti orí ẹ̀rọ kòmpútà ti tèmi.

Ẹn o! Ibi awí ladé yìí.

Dàárò fún ìṣéjú kan ná. Báwo ni o ṣe ma mọ̀ pé èso ápù ti orí ẹ̀rọ kòmpútà ti ó fi ìgbà kan jẹ́ tèmi, ti wá di tì ẹ àti pé ṣé tì ẹ nìkan ni?

Ó ti ń dojúrú, àbí? Báwo ni o ṣe ma mọ̀ wípé mí ò tí kọ́kọ́ so èso ápù náà mọ́ àtẹ̀jíṣẹ́ lórí ayélujára sí Uncle Tommy? Tàbí sí Joe, ọ̀rẹ́ mìi tàbí sí Lisa ọ̀rẹ́ mìi náà?

Bóyá mo sì ní àwọn àdàkọ sí orí ẹ̀rọ kòmpútà tèmi. Bóyá mo fi sí orí ayélujára tí àwọn ènìyàn mílíọ́nù ti gbàá sílẹ̀.

Gẹ́gẹ́ bí o ti ri, pàṣípàrọ̀ ti orí ẹ̀rọ kòmpútà ó jẹ́ ìṣòro dí ẹ̀. Fí èso ápù ti orí ẹ̀rọ kòmpútà ránṣẹ́ kò dàbí ká fi èso ápù gangan ránṣẹ́.

Àwọn ọ̀jọ̀gbọ́n onímọ̀ ìjìnlẹ̀ ti kòmpútà kan tilẹ̀ ní orúkọ fún ìṣòro yìí. Òun ni wán pè ní ìṣòro ìnáwó onílọ́po méjì. Ṣùgbọ́n kò tó ìyọnu. Ǹkan tí mo fẹ́ ko mọ̀ ni wípé, ó ti tó ìgbà dí ẹ̀ tí ó ti ń rúwọn lójú. Síbẹ̀ wọn ò tí ri yanjú.

Títí di báyìí.

Sùgbọ́n ẹ jẹ́ ka gbìyànjú fún rara wa láti wá ọ̀nà àbáyọ.

Ìwé àkọsílẹ̀ t'ìnáwó

Bóyá a ní láti ṣe àbójútó àwọn èso ápù ti orí ẹ̀rọ kòmpútà nínú ìwé àkọsílẹ̀ t’ìnáwó kan. Èyí jẹ́ ìwé tí a fi má n mójútó gbogbo ìdúnàdúrà wa - Ìwé ìsirọ́ owó.

Ìwé àkọsílẹ̀ t'ìnáwó yìí, ní láti wà ní àyè ara ẹ̀, kí ó sì wà ní ìkápá ẹnìkan, níwọ̀n ìgbà tí ó jẹ́ ti orí ẹ̀rọ kòmpútà ni.

Kání, bi Blizzard, ilé iṣẹ́ tí wọ́n ṣẹ̀dá eré ìdárayá ti orí ayélujára tí a mọ̀ sí World of Warcraft, ni gbogbo àwọn idà inọ́ wan tí ó ṣọ̀wán tí wón ti ṣe láti láíláí nínú “ìwé àkọsílẹ̀ ti orí ẹ̀rọ kòmpútà” ti won. Ó da bẹ́ẹ̀! Báyìí a ti yanjú ẹ̀, Irú ènìyàn bí ti wọn èso ápù ti orí ẹ̀rọ kòmpútà wa.

Àwọn ìṣòro

Bótilẹ̀jẹ́pé ìṣòro dí ẹ̀ wà:

Tí èyàn kan láti ilé iṣẹ́ Blizzard wá lọ ṣe àwọn òmíràn si? Ó kọ̀ lè fi kún èso ápù ti orí ẹ̀rọ kòmpútà ti ẹ̀ tó ní sílẹ̀ nígbàkigbà tí ó bà wùú!
Kò dà bí ìgbà tí a jọ jókòó ní ọjọ́ kìníí ànọ́. Nígbà yẹn, èmi àti ìwọ nìkan ni. Lílọ nípasẹ̀ Blizzard dà bi pé a lọ mú Uncle Tommy (ẹnì kẹta) kúro ní ilé ẹjọ́ (ṣé mo sọ fún ẹ pé olókìkí ni) láti wá dásí gbogbo ìdúnàádúrà tí a bá ṣe lójúkojú. Báwo ni mo ṣe lè fún ẹ ní èso ápù ti orí ẹ̀rọ kòmpútà bí, ṣo mọ̀ - ìgbà tí à ń fún ra wa ní ojúkojú?

ǹjẹ́ ọ̀nà tilẹ̀ wà tó fẹ́ farapẹ́ ìdúnàádúrà ìjóòkó tèmi n'tìrẹ lórí ẹ̀rọ kòmpútà bí? Ìyẹn fẹ́ le dí ẹ̀…

Ònà Àbáyọ Náà

Ká wá ní ati pín ìwé àkọsílẹ̀ t’ìnáwó yìí- fún gbogbo ènìyàn? Kàkà kí ìwé àkọsílẹ̀ t’ìnáwó náà wà ní orí kòmpútà Blizzard nìkan, ó ma wà ni orí kòmpútà gbogbo ènìyàn. Gbogbo ìdúnàádúrà èso ápù ti orí ẹ̀rọ kòmpútà tí ó ti ṣẹlẹ̀ rí láti ìbẹ̀rẹ̀ pẹ̀pẹ̀ wá ni ó ma wà ní kíkọ sílẹ̀ nínú ẹ̀.

Kò ṣé yàn jẹ. Mi ò lè fi èso ápù ti orí ẹ̀rọ kòmpútà tí mi ò ní ránṣẹ́ sí ẹ, nítorí ètò náà kò ní ṣiṣẹ́ papọ̀ pẹ̀lú ti gbogbo àwọn ènìyàn tókù. Á le láti ṣèrú pèlú ẹ̀. Á jẹ́ ètò tó le láti lé bá. Pàápàá tí ó ba tóbi gan.

Pẹ̀lú kò kín ṣe èyàn kan ló n ṣe àkóso ẹ̀, nítorí bẹ̀, mo mọ̀ pé kò sí ẹni kẹ́ni tí ò kàn lè pinnu láti fún ra ẹ̀ ní èso ápù ti orí ẹ̀rọ kòmpútà si. Àti ìbẹ̀rẹ̀ ni wọ́n ti sọ òfin ètò náà sílẹ̀. Àti pé ìlànà àti òfin ẹ̀ wà ní àrọ́wọ́tó gbogbo àwọn akọètò.

Ó wà níbẹ̀ fún àwọn olóye láti fi ti wọn kun, ṣètọ́jú ẹ̀, dá ààbò òó, mu dára si, àti láti bójúto. Ìwọ náà lè kópa nínú ètò yí, kí o mú ìwé àkọsílẹ̀ t’ìnáwó dé ojúìwọ́n àti kí gbogbo ẹ̀ má a ṣe dede, o lè rí èso áruńdílọ́gbọ̀n ti orí ẹ̀rọ kòmpútà bí èrè. Ní pàtó, nínú ètò náà ọ̀nà kan ṣoṣo tí ó wa làti ṣe àwọn èso ápù ti orí ẹ̀rọ kòmpútà míràn sílẹ̀ nìyẹn.

Mo mu rọrùn dí ẹ̀

… ṣùgbọ́n ètò tí mo ṣàlàyé yìí wà. Òhun ni à ń pè ní ìlànà Bitkoini. Bẹ́èni àwọn èso ápù ti orí ẹ̀rọ kòmpútà ni “bitcoin” tó wà nínú ètò náà

Nítoríbẹ̀, ṣé o rí nkan tí ó ṣẹlẹ̀? Kíni Ìwé àkọsílẹ̀ t’ìnáwó ti gbangban gbà láàyé?

Ṣé o rántí pé ìlanà ètò ẹ̀ wà ní àrọ́wọ́tọ́ gbogbo ènìyàn? Gbogbo oye èso ápù náà lápapọ̀ tí ó wà nínú ìwé àkọsílẹ̀ t’ìnáwó gbangba ni wọ́n ti sọ láti ìbẹ̀rẹ̀. Mo mọ iye gangan tí ó wà. Mo mọ̀ wípé oye tó wà nínú ètò náà kò pọ̀.
Tí mo bá ṣe pàsípàrọ̀ mo ti mọ̀ báyìí wípé èso ápù ti orí ẹ̀rọ kòmpútà tí ó kúrò ní ìkáwọ́ mi ti di tì ẹ pátápátá. Tẹ́lẹ̀ mi ò kín lè sọ nípa àwọn ǹkan bẹ́ẹ̀. Ìwé àkọsílẹ̀ t’ìnáwó gbangba ni ó ma mu dójúìwọ̀n àti láti rí dájú.
Nítorí pé ó jẹ́ ìwé àkọsílẹ̀ t’ìnáwó gbangba, mi ò nílo Uncle Tommy láti rí pé mi ò ṣe èrú tàbí tẹ díẹ̀ si fúnramí tàbí fi ránṣé lẹ́mẹ̀jì tàbí lẹ́mẹta…
Nínú ètò náà, pàṣípàrọ̀ èso ápù ti orí ẹ̀rọ kòmpútà ti wà dàbí ti ojúkojú. Àfi bí wípé mo mú èso ápù gangan láti ọwọ́ mi si inú àpò ẹ. Àti bí ti ìgbà tí ajọ jókó sí ibi ìgbafẹ́, pàṣípàrọ̀ náà wáyé ní àrín ènìyàn méjì péré. Ìwọ àti èmi- a ò nílò Uncle Tommy níbẹ̀ láti báwa fi òntẹ̀ tẹ̀ ẹ́.

Ní ọ̀rọ̀ kan, ó dàbí ǹkan tí a lè fi ojú rí.

Ṣùgbọ́n, ṣé ẹ mọ ǹkan tí ó dára níbẹ̀? Ti orí ẹ̀rọ kòmpútà náà ṣì ni. A lè ma wá ma sòwò pẹ̀lu ẹgbẹ̀rún èso ápù tàbí ní mílíọ́nù kan ápù, tàbí pàápàá ní ápù tí ó kéré sí ẹyọ̀kan. Mo lè fi ránṣẹ́ ní ìṣẹ́jú àáyá, mo tún le fi sínú àpò orí ẹ̀rọ kòmpútà ẹ, bóyá mo wà ní orílẹ̀-èdè Nicaragua tí ìwọ dẹ̀ wà ní ìlú New York.

Mo ti ẹ tún lè jẹ́ kí àwọn ǹkan ti orí ẹ̀rọ kòmpútà ìmíì gbáralé àwọn èso ápù ti orí ẹ̀rọ kòmpútà wònyí! Ti orí ẹ̀rọ kòmpútà kúkú ni. Bóyá mo lè so ọ̀rọ̀ tí mo kọ mọ tàbí bóyá kí n so àwọn ǹkan pàtàkì òmíràn mọ; bí ìwé àdéhun, tàbí ìwé-ẹ̀rí ìṣura, tabi ìwé ìdánimọ̀.

Nítorínà èyí dára púpọ̀! Báwo ni a ṣe maṣe mọ ọwọ́ tí a fi mú tàbi mọ iye tí a ma gbélé àwọn “èso ápù ti orí ẹ̀rọ kòmpútà” yìí? Wọ́n wúlò púpọ̀, àbí bẹ́ẹ̀kọ́?

Ọ̀pọ̀lọpọ̀ àwọn ènìyàn ló ń jiyàn lórí ẹ̀ bàyìí. Àríyànjiyà náà ń lọ l’àárín oríṣiríṣi àwọn onímọ̀ ti ọrọ̀ ajé. L’àárín àwọn olóṣèlú. L’àárín àwọn akọètò ẹ̀rọ kòmpútà. O nílò láti tẹ́tí sí wọn. Àwọn kan ní ọgbọ́n. Wọ́n ti ṣi àwọn kan lọ́nà. Àwọn kan sọ wípé ètò náà gbé oye lórí gan, bẹ́ẹ̀ni àwọn sọ wípé kò já mọ́ ǹkankan. Ẹnìkan ti ẹ̀ fi oye kan pàtó si: ó ní èso ápù kan jẹ́ ẹgbẹ̀rún lọ́nà ọgọ́rùń dọ́là. Àwọn kan sọ wípé wúrà orí ẹ̀rọ kòmpútà ni, àwọn kan ní owó ni. Àwọn kan náà tún ní ó dàbí òdòdó. Àwọn kan ní ó ma yí ayé yìí padà. Àwon kan náà ní kò lè pẹ́, á tó kúrò nílẹ̀.

Mo ní èrò tèmi nípa ẹ̀.

Ìyẹn dẹ̀ di ọ́jọ míràn. Sùgbọ́n ní báyìí, o ti mọ̀ nípa Bitkoini ju ti tẹ́lẹ̀ lọ.

“You Don’t Understand Bitcoin Because You Think Money is Real”open in new window by Maria Bustillosopen in new window is a good follow-up read.

You can also read more about Ethereum and Smart Contracts hereopen in new window. Enjoy!

Awọn onitumọ

Oladele Falese

Olufowosi

BitMEX

# Àlàyé Bitkoini bí ọmọ ọdún márùń

# Tí ohun tí Bitkoini jẹ́ kò bá tí yé ẹ…

# Jẹ́ kí a farabalẹ́ wo ohun tí ó ṣẹlẹ̀:

# Ká padà sí orí ọ̀rò èso ápù!

# Ìwé àkọsílẹ̀ t'ìnáwó

# Àwọn ìṣòro

# Ònà Àbáyọ Náà

# Mo mu rọrùn dí ẹ̀

# Recommend Reading (Updated 2017)