Bitcoin E Swana Le
Mongwadi ke Oleg Andreev 2017/12/10open in new window
Bitcoin e swana le tšhelete ya nnete: o ka se kgone go e bušetša morago gomme o na le boikarabelo bja go e šomiša. Ge o ka loba sekhwama, o loba tšhelete ya gago. O ka fa motho yo mongwe Bitcoin ya gago gore a go hlokomelele yona, eupša go tlile go swana le ge o šomiša panka efe goba efe: o swanetše gore o mo tshepe gore a ka se tšhabe ka tšhelete ya gago.
Bitcoin ga e swane le tšhelete ya nnete: o ka e boloka ka bontšhi bjoo o ka nyakago go bo boloka ebile e ka se tšee le polokego ya sekgoba sefe goba sefe. O ka e romela go motho mang le mang ka se elektroniki. Ga go kgonege gore o ka e loba. O ka se e romele ka motsotswana yo motee: go netefatša gore thomelo ya tšhelete e phethagetše, o swanetše go leta metsotso ye 10-15 gore bohlatse bja sekhripthokrafiki bo tšweletšwa ke neteweke.
Bitcoin e swana le gauta. e ka se kgone go tšweletšwa ka go rata, go na le tekano ya palo ya yona gomme palo ye e kgašantšhitšwe ka sebakanako sa go tšwela pele sa go fetogafetoga ka go nanya (kudukudu nako). Gore o hwetše di-bitcoin motho yo mongwe o swanetše gore a go fe tšona, goba o gepe. Bjalo ka gauta, bitcoin ya benya: e goga šedi ya batho ka sebopego sa yona se se botse, se se ageletšwego go polelo ya mananeo, ditšhušumetšo tše bohlale, gammogo le tshepišo ye e lokologilego ya tokologo go khuetšo ya kgapeletšo.
Bitcoin ga e swane le gauta: kabo ya Bitcoin ga e fetogefetoge ka lenaneo leo le beilwego la go epe leo le sa fetogego (ke di-Bitcoin tše se kae tšeo di ka dirwa ka iri). O na le bonnete bja gore ga go motho yo a ka dio hwetšago thaba ya gauta ya bit goba a gepa mo go feteletšego. Ka go se swane le gauta, tšhišinyo ya Bitcoin e tsepamaditšwe gore maiteko a go gepa a sepedišane le lenaneo leo le beilwego la go se fetogego. O ka gepa o gauta ka moka ka letšatši le le tee, eupša go ka se kgonego ka Bitcoin go sa kgathaletšege gore dikhomphuthara di tla šoma ka lebelo le lekaakang. Maiteko a go gola a go gepa a ka robjwa lenaneo le beilwego ga nnyane fela (neteweke e tsepamantša tšhišinyo go ntšha dipoloko tše 6 ka iri, efela ge neteweke e fela e gola e ka ntšha dipoloko 7-8 ka iri).
Bitcoin e swana le panka: go na dikhomphuthara, dikgobeketšatshedimošo gammogo le tshedimošo ya tša tšhelete yeo e tsenago le yeo e tšwago. Dikgoboketšatshedimošo di lota ditiragalo tša ditefo ka moka tše di tsenago le tše di tšwago: ke mang yo a romelago le gona go mang. Dilo ka moka di direga seelektroniki. Go go na megoba ya go ba le gauta goba mapokisana a peeletšo a motho ka noši, di lotwa ka gare ga “pukwana ya inthaneteng ya go kgoboketša tshedimošo ya tšhomišo ya tšhelete” ye tee.
Bitcoin ga e swane le panka: motho yo mongwe le yo mongwe a ka kgona go netefatša gore kgoboketšatshedimošo ya gagwe e na le pukwana ya inthaneteng ya tshedimošo yeo e kgobokeditšwego ya tšhomišo ya tšhelete bjalo ka ya motho yo mongwe le yo mongwe. Ga go na molaodi yoo maikarabelo a gagwe e lego go mpšhafatša tshedimošo ya pukwana ya inthaneteng ya tshedimošo yeo e kgobokeditšwego ya tšhomišo ya tšhelete gammogo le go dira bonnete bja gore ga ya fetolwa ka moo go sa swanelwago. Motho yo mongwe le yo mongwe a ka ba le diakhaonto tše dintšhi go ya ka moo a ratago ebile bang ba diakhaonto tše ka moka ga ba tsebjwe (a tla tsebjwa ge fela motho a ka itsebiša yena). Pukwana ya inthaneteng ya go ba le tshedimošo ya tšhomišo ya tšhelete ga e lote maina, e na le dipalo tša gore tšhelete yeo e lego gona ke bokae gammogo le dinomoro tša diakhaonto. Ga go na kgonagalo ya “setsopolwa se se šalelago” ge panka e adimiša ka tšhelete ye ntšhi ya go feta yeo e lego gona. Gabotsebotse, ga go na di koloto ka go pukwana ya inthaneteng ya tshedimošo yeo ekgobokeditšwego ya tšhomišo ya tšhelete: e ka ba o na le tšhelete mo atereseng ya gago, goba ga o na yona, goba o ka se kgone go e šomiša ka moka. Ebile, Bitcoin e go dumelela gore notlelele tšhelete ka “kontraka”: digakantšho tša tshedimošo yeo e fihlegilego ka go šireletšwa e diretšwe gore e phatlalatše go tšea sephetho go batho ba ba mmalwa goba go kopantšha le nako.
Bitcoin e swana le tšhelete ya thaloko ya Monopoly: dikhoine ke maswao a senaganwa ao a se nago le tekanyetšo ya mohola ofe goba ofe. Batho ba di bona di le bohlokwa ka gobane ba kgetha go raloka thaloko. Gabotsebotse, se ke nnete le go gauta goba tšhelete ye nngwe le ye nngwe.
Bitcoin ga e swane le tšhelete ya thaloko ya Monopoly: go na le kabo ye e lekaneditšwego gomme ga go yo a ka di lobago. Se se di dira nkgetheng yo mobotse mo go dikgoboketšwa tša go tsebagala go swana le dikhoine tša gauta goba silibere.
Bitcoin e swana le Git: go Git (bešene ya taolo ya tshepedišo yeo e phatlaladitšwego) diphetogo tša gago ka moka di beakantšwe ke tatelano yeo e šireleditšego ke alkoritheme ya dipalo le maswao a go kgakantšha a tshedimošo yeo e fihlegilego ka go šireletšwa. Ge o tshepa alkoritheme ya dipalo le maswao a go kgakantšha a morago, o ka hwetša tshedimošo ya peleng (go seripa se sengwe sa yona) go tšwa go motho ofe goba ofe gomme wa netefatša gore ke seo o bego o se letetše. Go a swana, go Bitcoin, go romelwa le go amogelwa ga tšhelete go beakanywa ka tatelano ya tšhaene(*ke polokotšhaene) gomme ge e se tše e netefaditšwe, go sa kgathalatšege gore e lotile gofe, o ka go tshepa ka di nako ka tshohle fore seripa se sengwe le sengwe sa polokotšhaene ka lebelela tatelano ya alkoritheme ya dipalo le maswao a go kgakantšha yeo e amanago le alkoritheme ya dipalo le maswao a go kgakantšha yeo o setše o e tshepa. Se se dumelela phatlalatšo ya bolotatshedimošo ebile e na le netefetšo yeo e tshepagago ye bonolo.
Bitcoin ga e swane le Git: ka tsela yeo batho ka moka ba ka rata go šoma go lekala le le tee. Go Git batho ba ka moka ba šoma go makala mmalwa le foroko gomme di a kopakopanywa letšatši ka moka. Go Bitcoin o ka se kgone go "kopanya" diforoko. Polokotšhaene ke mohlare wa dihistori tša tshedimošo ya tšhomišo ya tšhelete yeo e tšwago le yeo e tsenago, eupša go dula go na le lekala le le kgolokgolo (leo le nago le mohola) le makala a mangwe ao a diregago ka phošo (a go se fete botelele bja dipoloko ye tee-pedi) tšeo di se nago mohola le gatee. Go Git tshedimošo e bohlokwa kudu go feta makala, go Bitcoin kwano e bohlokwa kudu go feta tshedimošo.
Bitcoin e swana le Bittorrent: taolo ya neteweke e arotšwe ka botlalo, ga go na "minti" goba "panka". Polokotšhaene e swana le faele e tee go bittorrent: netefatšo ya tshedimošo yeo e fihlegilego ka go šireletšwa le go abelana go kopantšha le ya dikhomphuthara tše dintšhi. Motšeakarolo yo mongwe le yo mongwe, go akaretšwa le baepi ba tšea karolo mo maemong a go lekana. Ge karolo ye tee ya neteweke e e šitiša, go romelwa le go amogelwa ga tšhelete go ka wela dikarolong tše dingwe. Le ge neteweke ka moka e ya tlase, tshedimošo ye mabapi le ya go amogela le go romela tšhelete e lotwa ka go dikhomphuthara tše diketekete tše dintšhi tša go ikemela gomme ga go tšhelete ya motho yeo e tlago go lobjwa. Ge batho ba kgokagana gape, ba ka tšwela pele ka go romela tšhelete goba ba amogela tšhelete eke ga go selo seo se diragetšego. Bobedi bja Bitcoin le Bittorrent bo ka phologa ntwa ya nuclear ka gobane tshedimošo ga e ame ke mahlasedi a dikhemekhale ebile e ka dirwa gape ka moo go bolokegilego.
Bitcoin ga e swane le Bittorrent: go na le gore "difaele" tše dintšhi tšeo di ikemetšego, go na le faele e tee yeo e dulago e kgola: dipolokotšhaene. Ebile, batšeakarolo ba bohlokwa: baepi ba lebogelwa mošomo wa bona ka tšhelete ya nnete.
Bitcoin e swana le tokologo ya polelo. go tšhomišo ya tšhelete ye nngwe le ye nngwe e swana le molaetša yo mokopana wa setšhaba yoo o ka gašwa kae goba kae goba ka tsela efe goba efe. Ge baepi ba bangwe ba ka go kwa, ba tlile go oketša polokothaene gomme molaetša woo o tla dula go histori go ya go ile. Batho ka moka ba tla go bona gomme ga go yo a tla kgonago go o phumola.
Bitcoin ga e swane le tokogo ya polelo. go bolela se sengwe go tla le tefo. Tšhomišo ya tšhelete e sepediša dikhoine tšeo o swanetšego gore o be le tšona gore o thome. Bjale, se ga se re gore seota se sengwe le se sengwe se dumeletšwe gore se dire mašata, eupša ke fela bao ba nago le ditshwanelo go ka hwetša dikhoine tše mmalwa. Ebile, baepi ba bangwe ba ka gana go reka goba go rekiša ge eba e na le bofora goba ga e na ditefelo tšeo di lekanego. Bjale ge, ga go yo a fago tokologo bjalo "ka madileng", eupša batho ka moka ba a leka šomišana mmogo ka boithaopo.
Bitcoin e swana le kontraka ya kgwerano: ke tiragalo yeo e thekgilwego goba ga setšo. E šoma bjalo ka tšhelete ge fela batho ba e swara bjalo ebile ba na le sebete sa go e swara le go hlompha melao. Theknolotši e hlokega fela go fa tshepedišo ya diphaephe yeo e hlokegago mo kontrakeng.
Bitcoin ga e swane le kontraka ya kgwerano: ga se mohuta wa kontraka woo o rutwago dikolong. Ga se yeo e fetogelago, ebile ga se yeo e beilwego ke balaodi ba bangwe. Ke melao ya inthaneteng yeo e sa fetogefetoge yeo batho ka moka ba kgethago go e latela ka bobona, ka fao ba oketša go kwano yeo batho ka moka ba e kwanetšego ntle go e ganetša.
Bitcoin e swana le tšhelete ya inthaneteng ya boleatlana e bonolo bjalo.